КЕНТАУ ҚАЛАСЫ Хантағы елді мекені «Әлі Бекен» мешітінің сипаттамасы.
Мешіт - Хантағы елді мекені таудың бауырында, өзеннің жағасында орналасқан. Мешіт қақпасы шығыс үлгісінде арка етіп салынған, биіктігі он екі метр. Темірден иілген оюлы қақпалар орнатылған. Мешіт алаңы 0,2357 шаршы метрді алып жатыр. Мешіт ауласы оюлы шарбақпен қоршалған, алаңы көгалдандырылып, гүлдер отырғызылған және гүл отырғызылатын құмыра мен Құран кітап мүсінімен көркейтілген. Орнатылған прожекторлар мен фонарлар күмбез бен мұнараларға түннің бөлігінде жарық беріп мешіттің келбетін ашып тұрады.
Мешіт екі күмбезді, бір мұнаралы және екі қабатты болып салынған. Мешіттің биіктігі жер бетінен 14, ал мұнарасы 24 метр.
Мешіт қызыл кірпішпен салынып, сыртын Өзбекістаннан алып келген күйдірілмеген, оюланған кірпіштермен қаптап, зейнеттелген. Мешіт есіктері «шынар» ағаштарынан оюлап жасалынған, терезелері пластикалық металдан қойылған. Сыртқы есіктері екі жақтама ашылады. Бірі ер кісілер екінші жағы әйел кісілер және неке қидыратын жастар кіретін жағдай жасалынған.
Бірінші қабатында үш бөлме бар:
1. 700 орындық намаз оқитын зал
2. Неке бөлмесі
3. Қабылдау бөлмесі
Намаз оқитын залдың көрінісі дөңгелек, қол өнермен оюланып әрленіп жасалынған. Мешіт михрабы Қожа Ахмет Яссауи кесенесіндегі үлгісінде жасалған, айналасы көркем оюлы Қасиетті Құран аяттары алтын әріптермен безендірілген. Күмбездің ішкі диаметр 9 метр, шығыс үлгісінде жасалған бағанаға (ұстынға) тұрғызылған. Күмбездің іші айнала «Жұма» сүресінің аяттарымен әрленіп жазылған. Біріккен Эмираттан алып келген салмағы 300 кг. люстра ілінген. Мешіттің төбесінде (потолок) Алланың 99 есім -сипатының 33 сипаты алтын әріптермен жазылған.
Екінші қабатта холл және 3 бөлме бар:
1. Әйел кісілерге арналған намаз оқитын орын
2. Қонақ күтетін бөлме
3. Имамның бөлмесі
Имамның бөлмесі қазіргі талапқа сай компьютер, принтер, сымтетік факспен, кітап сөрелері және жиһаздармен жабдықталған.
Мешіттің жылу жүйесі электр көзімен кондиционер арқылы жылытылады.
Мешіттің дәретханасы қазіргі талапқа сай кафельденіп, кабинкаларға бөлініп, дәрет алатын бөлмесі және ғұсыл құйынатын душ орнатылған. Дәретхана әйел затына және ерлерге арналып бөлінген.
Жаңа ғимарат 2007 жылдың 29 маусымда ашылды. http://islam.com.kz/
Сайт админстраторы: Әбдімүтәліп Сәттібайұлы. | 
