Бүгін әлемдегі православие қауымы Христостың дүниеге келу мерекесін атап өтуде. Қазақстанның барлық шіркеулері мен храмдарында өткен түнде қоңыраулар сыңғырлап, Рождество мерекесінің басталғанынан хабар берді. Алматыдағы Свято-Вознесенс кафедралды соборында өткен мерекелік литургияға Астана мен Алматы метрополиті Мефодий қатысты. Үш сағатқа созылған салтанатты рәсімге мыңдаған адам келді. Рождество - православиелік христиандар үшін Пасхадан кейінгі ең маңызды діни мереке. Бұл күні ғасырлар бойы қалыптасқан дәстүрге сай олар Жаратушыға өткен жылдың жақсылығы үшін алғыстарын айтып, мұқтаж жандарға қол ұшын беруге тырысады. Рәсім соңында келгендерге Мәскеу және бүкіл Ресей Патриархы Алексий екіншінің көзі тірісінде жазып кеткен жолдауы оқылды. Бұдан соң жиналған қауымды Астана және Алматы метрополиті Мефодий құттықтады. Ол Қазақстанда дін мәселелеріне үлкен мән беріліп отырғанын, мемлекет басшысы Нұрсұлтан Назарбаевтың қолдауымен соңғы жылдары елде көптеген мешіттер мен шіркеулердің бой көтергенін айтты. Бүгінде елде 3 мыңнан астам діни бірлестік жұмыс істеуде, қырықтан астам конфессия өкілдері бар. Астана және Алматы метрополиті 2005 жылдан бері Қазақстанда екі негізгі діни конфессия – мұсылмандар мен христиандардың Құрбан айт және Рождество мейрамдары демалыс жариялануы да мемлекетіміздің дінге деген түзу көзқарасының көрінісі екенін атап өтті. ақпарат
Бүгін әлемдегі православие қауымы Христостың дүниеге келу мерекесін атап өтуде. Қазақстанның барлық шіркеулері мен храмдарында өткен түнде қоңыраулар сыңғырлап, Рождество мерекесінің басталғанынан хабар берді. Алматыдағы Свято-Вознесенс кафедралды соборында өткен мерекелік литургияға Астана мен Алматы метрополиті Мефодий қатысты. Үш сағатқа созылған салтанатты рәсімге мыңдаған адам келді. Рождество - православиелік христиандар үшін Пасхадан кейінгі ең маңызды діни мереке. Бұл күні ғасырлар бойы қалыптасқан дәстүрге сай олар Жаратушыға өткен жылдың жақсылығы үшін алғыстарын айтып, мұқтаж жандарға қол ұшын беруге тырысады. Рәсім соңында келгендерге Мәскеу және бүкіл Ресей Патриархы Алексий екіншінің көзі тірісінде жазып кеткен жолдауы оқылды. Бұдан соң жиналған қауымды Астана және Алматы метрополиті Мефодий құттықтады. Ол Қазақстанда дін мәселелеріне үлкен мән беріліп отырғанын, мемлекет басшысы Нұрсұлтан Назарбаевтың қолдауымен соңғы жылдары елде көптеген мешіттер мен шіркеулердің бой көтергенін айтты. Бүгінде елде 3 мыңнан астам діни бірлестік жұмыс істеуде, қырықтан астам конфессия өкілдері бар. Астана және Алматы метрополиті 2005 жылдан бері Қазақстанда екі негізгі діни конфессия – мұсылмандар мен христиандардың Құрбан айт және Рождество мейрамдары демалыс жариялануы да мемлекетіміздің дінге деген түзу көзқарасының көрінісі екенін атап өтті.