«АҚШ соғыс жағдайында, ал Америка экономикасы дағдарыста тұр». Бұл жаңадан сайланған АҚШ президенті Барак Обаманың сөзі. Бұл мәлімдемені жаңадан сайланған 44-президент Барак Обама жексенбі күні Вашингтонда инаугурациялық іс-шараға қатысты басталған мәдени концертте жұртшылық алдында жасады. – Миллиондаған америкалықтар жұмысын жоғалту алдында тұр. Бірақ бұл дағдарыстан алдағы бір-екі жылда толықтай шыға алатынымызға уәде беремін. Алайда бұл жолда кедергілер көп болады, – деді Барак Обама. Дәл қазір бүкіл әлем Обаманың әр сөзіне мән беріп жатыр десек артық емес. Оның үстіне бүгін Америка үшін тарихи күн. Өйткені Барак Обаманың инаугурациялық салтанаты өтеді. Мотоцикл жүргізушілерінің қаумалауындағы Барак Обаманың кортежі өзі тұратын «Хэй Адамс» қонақүйі аумағынан басталып, Вашингтон көшелерінен жүріп өтеді. Тарихи салтанатты сәтті тамашалауға 4 миллионға жуық адам қатысады деген ақпар бар. АҚШ астанасы инаугурацияға қызу дайындалып жатыр. Өткен аптаның сейсенбі күні Джордж Буш Вашингтон аймағын «төтенше жағдай енгізілген аймақ» деп жариялады. Жаңа президенттің құрметіне сол күні вашингтондық тұрғындар қоғамдық көлікте тегін жүреді. Оған қатысты федералдық бюджеттен қомақты қаржы бөлінді. Ал инаугурацияға қанша қаржы бөлінеді? Қалалық биліктің мәліметінше, инаугурация шығыны 47 миллион доллар шамасында болмақ. Ең басты мәселе, жаңа президенттің қауіпсіздігі. Бұл шараға әртүрлі құрылымдық күштерден 20 мың адам және 4 мың полиция қатыспақ. Барак Обама бұрын АҚШ-тың президенті тағында отырған Авраама Линкольннің инаугурациялық жолын қайталамақ. Ол Филадельфии штатынан шығып, Уилмингтон стансасында вице-президент Джозеф Байденді отбасымен бірге мінгізіп алады. Сондай-ақ әр стансадан алдын ала таңдап алынған тұрғындарды отырғызады. «Жалпы, бұл жолдың символикалық мәні бар, – дейді сарапшылар. – Өйткені инаугурациялық жол Америка Конституциясы мен туының пайда болған жерінен басталады». Инаугурация салтанаты Капитолий үйінің батыс қанатында жүзеге асады. Барак Обама библияға қолын қойып тұрып, А. Линкольн секілді ант береді. Мұнан кейін Обама жұртшылық алдында ресми түрде алғашқы кіріспе сөзін айтады. Артынша келген қонақтарға түскі ас беру рәсімі өтеді. Түс ауа оны Ақ үй алдындағы трибунада Буш отбасымен күтіп алады. Одан соң жаңа президент 15 мың адам тамашалайтын арнайы парадқа қатысады. Кешке қарай АҚШ-тың 44-президентінің құрметіне отшашу беріледі. Ал сонан соң... Барак Обаманы бас ауыртатын күрделі істер күтіп тұр. Елді дағдарыстан шығару, Ауғанстан мен Ирактағы соғысты тоқтату... Буш тастап кеткен «былықтардан» Американы тазарту қызметке кірісетін «қара балаға» оңай соқпайды.
«АҚШ соғыс жағдайында, ал Америка экономикасы дағдарыста тұр». Бұл жаңадан сайланған АҚШ президенті Барак Обаманың сөзі. Бұл мәлімдемені жаңадан сайланған 44-президент Барак Обама жексенбі күні Вашингтонда инаугурациялық іс-шараға қатысты басталған мәдени концертте жұртшылық алдында жасады.