Естеріңізге сала кетейік, өткен жылдары Швейцарияда мешіт салуға қарсы референдум өткізуге бастамашы болып, исламға қарсы үгіт-насихат жүргізген Швейцария халықтық партиясының бұрынғы мүшесі Даниэль Стрейч осы күнге дейінгі ойынан айнып, қолына Құран ұстады. Швейцариялық ультраоңшыл саясаткер және белгілі антиисламшыл азамат Даниэль Стрейч өзінің ағат істеріне өкініп, мұсылман дінін қабылдады. Ол Иран Ислам Республикасының «Әл-Алам» телеканалына берген сұхбатында өзін ендігі жерде мұсылманмын деп мәлімдепті. Қоғам қайраткері бұрындары заң жобаларын жасау барысында бірқатар даулы мәселелер көтергені белгілі. Нақтырақ айтсақ, Стрейч ел ішінде мешіттер мен ғибадатханалар салуға барынша қарсылық білдірген. Тіпті оның үн қосуымен былтыр күзде референдум өткен. Нәтижесінде ислам дінін ұстанатындар үшін кез келген ғимарат салуға тыйым салынған. Бұл жолы ультраоңшылдарды қолдағандар 57,5 пайызды құраған. Даниэль Стрейчтің жаңа дінді қабылдағаны швейцариялықтарды аяғынан тік тұрғызды. Әсіресе, партия мүшелері аң-таң. Өйткені ол өз ойын әріптестерінен жасырып келген. Ал жора-жолдастарының ислам төңірегіндегі біржақты пікірлері оны үнсіз қалдыра алмапты. «Менің өз өмірімдегі барлық сұрақтарыма ислам жауап берді. Себебі дәл сол сауалдарға мен осы күнге дейін жауап таба алмай келе жатқан едім» депті ол. Исламға деген қате пайымдары үшін кешірім сұраған ол өз партиясын тастап, өзінің жүрегі қалаған партияға өтпекші. Ең бастысы, Швейцарияда Еуропадағы ең зәулім мешіт салуға атсалыспақ. http://www.aikyn.kz/
Естеріңізге сала кетейік, өткен жылдары Швейцарияда мешіт салуға қарсы референдум өткізуге бастамашы болып, исламға қарсы үгіт-насихат жүргізген Швейцария халықтық партиясының бұрынғы мүшесі Даниэль Стрейч осы күнге дейінгі ойынан айнып, қолына Құран ұстады.